«Կլիմայի փոփոխության հետևանքով խոցելիության գնահատում. Հայաստան» վերլուծությունից
http://redcross.am/public/files/admin_upload/files/CVA%20ARMENIAN.pdf
Հայաստանի Հանրապետության տարածքը 29.743 հազար ք.կմ., աշխարհագրորեն գտնվում է Հայկական լեռնաշխարհի (անվանումը Armenishe Hochlandes տվել է Գերման Աբիխը` 1843թ.) հյուսիսարևելյան մասում և կազմում է այդ լեռնաշխարհի 8%-ը: Շրջապատող Փոքրասիական ու Իրանական սարահարթերի նկատմամբ Հայկական լեռնաշխարհը բարձր է 600-800 մետրով ու դրանց համեմատությամբ, մի “լեռնային կղզի” է: Դա նկատվել է 19-րդ դարում [Էդուրդ Զյուս] և այդպես անվանվել (Berginzel)` նրա երկրաբանական ու աշխարհագրական առանձնահատկությունների պատճառով [Հ.Կ.Գաբրիելյան, “Հայկական լեռնաշխարհ”, Երևան, 2000թ]: Կլիմայական առանձնահատկություն¬ների տեսակետից ծովի մակարդակից այդ աշխարհագրական տարածքի բարձր տեղադիրքը ունի մեծ նշանակություն, քանի որ 600-ից 800 մ. բարձրությունների տարբերությունը օդի միջին ջերմաստիճանի մեջ “դրսևորվում” է միջինը մոտ 5-7 աստիճան տարբերությամբ, ինչը շրջակա տարածքների նկատմամբ հսկայական կլիմայական տարբերությունների ու առանձնահատկությունների է հանգեցնում: Դրա շնորհիվ այն կարելի է անվանել նաև “էկոհամակարգային կղզի”:
Երկ-ուրբաթ 10:00-18:00
շաբաթ-կիրակի փակ
Հայաստան, Երևան 0002 Սարյան 38, թիվ 27
Mon-Fri 10:00-18:00
weekend closed
38 Saryan st, #27, Yerevan 0002, Armenia